ఉదరాకర్షణాసనంతో మలబద్దకానికి చెక్...
చాలా మంది మలబద్దకంతో బాధపడుతుంటారు. దీనికి కారణం తగినన్ని నీళ్లు తాగక పోవడం. కడుపులో గ్యాస్ చేరడం. ఇత్యాది కారాణాల వల్ల మలబద్దకం సమస్య ఉత్పన్నమవుతుంది. ఇలాంటి వారు చిన్నపాటి చిట్కాలు పాటిస్తే ఈ సమస్య
చాలా మంది మలబద్దకంతో బాధపడుతుంటారు. దీనికి కారణం తగినన్ని నీళ్లు తాగక పోవడం. కడుపులో గ్యాస్ చేరడం. ఇత్యాది కారాణాల వల్ల మలబద్దకం సమస్య ఉత్పన్నమవుతుంది. ఇలాంటి వారు చిన్నపాటి చిట్కాలు పాటిస్తే ఈ సమస్య నుంచి గట్టెక్కవచ్చని గృహ వైద్యులు సూచన చేస్తున్నారు.
* మలబద్దకం సమస్యతో బాధపడేవారు ప్రతి రోజూ ఉదయం నిద్రలేవగానే 4 గ్లాసుల గోరువెచ్చటి నీటిని తాగాలి. ఆ తర్వాత 'ఉదరాకర్షణాసనం' వేసినట్లయితే మలబద్దక సమస్య క్రమంగా తగ్గిపోతుంది.
* ఈ ఆసనం ఎలా వేయాలంటే.. రెండు పాదాలను నేలకు ఆనించి కూర్చుని, రెండు చేతులనూ మోకాళ్లపైన కేంద్రీకరించాలి. ఈ స్థితిలో శ్వాసను పీల్చి, వదలి.. కుడికాలును నేలమీద ఆనించి, ఎడమకాలును పొట్టకు ఆన్చి, ఎడమవైపుకు మెడ, ఛాతీ, నడుమును తిప్పాలి. ఇప్పుడు తిరిగీ శ్వాసను పీల్చుకుంటూ రెండు కాళ్లపైన కూర్చోవాలి.
* అలాగే, ఎడమవైపుకు ఎడమకాలు నేలమీద ఆనించి, కుడికాలును పొట్టకు ఆనించి, కుడివైపుకు మెడ, ఛాతీ, నడుమును తిప్పాలి. శ్వాసను పీల్చుకుంటూ యధాస్థానానికి రావాలి. ఇలా కుడి, ఎడమవైపుల్లో 10 సార్లు చేయాలి.
* అనంతరం సుఖాసనంలో కూర్చుని రెండు చేతుల చూపుడు వేళ్లను మడిస్తే వాయుముద్ర ఏర్పడుతుంది. శ్వాస బయటకు, పొట్టలోపలికి తీసుకుంటూ సెకనుకు ఒకసారి, నిమిషానికి 60సార్లు మొదటిరోజు 5 నిమిషాలు, అలా నెల రోజుల చివరికి 15 నిమిషాలపాటు చేసేలా అలవర్చుకోవాలి. ఇలా చేస్తే చక్కటి ఫలితాలు వస్తాయి.
