తెలంగాణ రాష్ట్రంలోని మంచిర్యాల పట్టణంలోని అశోక్ రోడ్లో దారుణ ఘటన చోటుచేసుకుంది. కుటుంబ కలహాల నేపథ్యంలో వైద్య మోహన్ (40) అనే వ్యక్తిని అతడి భార్య రోకలిబండతో కొట్టి హత్య చేసింది. సమాచారం అందుకున్న మంచిర్యాల పట్టణ పోలీసులు సంఘటనా స్థలానికి చేరుకుని పరిశీలించారు.
కేంద్రం అండదండలతో అభివృద్ధిలో దూసుకెళుతున్నట్టు ఏపీ ముఖ్యమంత్రి నారా చంద్రబాబు నాయుడు న్నారు. రాష్ట్రంలో టీడీపీ కూటమి సర్కారు, కేంద్రంలో ప్రధాని మోడీ ప్రభుత్వం ఉండటంతో డబుల్ ఇంజిన్ సర్కారు కారణంగానే ఇది సాధ్యమైందన్నారు.
2024 ఎన్నికలకు ముందు, అప్పటి ముఖ్యమంత్రిగా ఉన్న తన సోదరుడు జగన్కు వ్యతిరేకంగా ప్రచారంలో పాల్గొంటూ వైఎస్ షర్మిల ఆంధ్రప్రదేశ్ రాజకీయాల్లో చాలా చురుకుగా వ్యవహరించారు. ఒక దశలో, ఆమె రాష్ట్రంలోనే అత్యంత బిజీగా ఉండే రాజకీయ నాయకులలో ఒకరిగా మారతారని అనిపించింది.అయితే, 2024 ఎన్నికల్లో ఎదురైన ఘోర పరాజయం ముఖ్యంగా కడప ఎంపీ స్థానం నుండి ఆమె స్వయంగా ఓడిపోవడం, ఆమెపై ప్రతికూల ప్రభావాన్ని చూపినట్లు కనిపిస్తోంది.
షార్ట్ కట్ పద్ధతిలో డబ్బును ఆర్జించాలన్న ఆశతో కొంతమంది అడ్డదారులు తొక్కుతున్నారు. మోసాలు చేస్తున్నారు. తాజాగా ఇద్దరు మాయలేడీలు తమ జిమ్మిక్కులతో బురిడీ కొట్టించి డబ్బులు కాజేస్తున్నారు. కోటి రూపాయలకు 20 కోట్లు వస్తాయని మాయమాటలు చెప్పి కోట్లకొద్దీ కొల్లగొట్టారు. ఈ ఇద్దరు అమ్మాయిల దగ్గర కొన్ని కరెన్సీ నోట్లు ఉండేవి. వాటికి వారు నల్లటి రంగును పూసి ఉంచేవారు. ఆ తర్వాత, వారు మోసం చేయాలనుకున్న వ్యక్తి దగ్గరకు వెళ్లి, మా దగ్గర ఒక ప్రత్యేకమైన రసాయనం ఉంది; నల్లటి కాగితాన్ని అందులో ఉంచితే అది నిజమైన 500 రూపాయల నోటుగా మారుతుంది అని చెప్పేవారు.
స్టార్ హీరోయిన్ జాన్వీ కపూర్ ప్రస్తుతం ఆచీతూచీ పాత్రలను ఎంచుకుంటున్నారు. పెద్ది చిత్రం విడుదలైన తర్వాత, ఆమె హైదరాబాద్లోని ప్రచార కార్యక్రమాలకు, బహిరంగ వేదికలకు దూరంగానే ఉంటున్నారు. పెద్ది చిత్రంలో తన పాత్రను, ముఖ్యంగా గ్లామరస్ కోణంలో చూపించిన విధానం పట్ల జాన్వీ అసంతృప్తిగా ఉన్నట్లు తెలుస్తోంది. అందుకే, ఆ సినిమాకు సంబంధించిన ప్రచార కార్యక్రమాల్లో ఆమె పాల్గొనడాన్ని పరిమితం చేసుకున్నారు.
నందమూరి బాలకృష్ణ కుమారుడు నందమూరి మోక్షజ్ఞ అరంగేట్రానికి సంబంధించి మొదట అనుకున్న ప్రణాళికలు సజావుగా సాగి ఉంటే, ఇప్పటికి అతను రెండు సినిమాల్లో నటించి ఉండేవాడు. సుమారు రెండేళ్ల క్రితం దర్శకుడు ప్రశాంత్ వర్మ మోక్షజ్ఞను హీరోగా పరిచయం చేయాల్సి ఉన్నప్పటికీ, ఆ ప్రాజెక్ట్ చివరికి నిలిపివేయబడింది.
ఆసియా క్రీడల్లో భారత్కు తొలి వ్యక్తిగత స్వర్ణ పతకాన్ని షాట్గన్ విభాగం అందించింది. తద్వారా 10 రోజుల సుదీర్ఘ నిరీక్షణకు తెరపడింది. మహిళల ట్రాప్ విభాగంలో ఆర్మీ షూటర్ నీరు ధండా (26) స్వర్ణ పతకాన్ని గెలుచుకోవడంతో పాటు, కొత్త ఆసియా రికార్డును కూడా నెలకొల్పారు. నిరీక్షణ నిరాశపరిచింది. కానీ స్వర్ణం అద్భుతంగా దక్కింది. మంగళవారం ఐచి ప్రిఫెక్చర్ జనరల్ షూటింగ్ గ్యాలరీలో వర్షాన్ని సైతం లెక్కచేయకుండా, మహిళల ట్రాప్ ఫైనల్లో నీరు ఆధిపత్యం చెలాయించింది. మహిళల వ్యక్తిగత ట్రాప్లో ప్రపంచ కప్ స్వర్ణం గెలిచిన తొలి భారతీయ మహిళగా నిలిచిన కొన్ని నెలల తర్వాత, ఆమె ఆసియా క్రీడల్లో పోడియంపై అగ్రస్థానంలో నిలిచింది.
పరీక్షకు వెళ్లేందుకు బస్టాపుకు వచ్చిన బాలికలకు బస్సు ఆగలేదు. దీంతో బస్సు పరుగుపెట్టి.. బస్సుకు అడ్డంగా నిలబడిన బాలిక.. బస్సును ముందుకు కదలనివ్వలేదు. బస్టాంపులో బస్సును ఎందుకు నిలుపలేదంటూ నిలదీశారు. వీరికి మరికొందరు స్థానికులు తోడుకావడంతో డ్రైవర్, కండక్టర్కు నోటిమాట రాలేదు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది.
న్యూయార్క్ టైమ్స్లోని టెక్ విభాగంలో పనిచేస్తోన్న ఓ వ్యక్తిని అత్తామామలు తుపాకీతో కాల్చి చంపారు. కాలిఫోర్నియాలోని డబ్లిన్లో ఈ విషాదక ఘటన చోటుచేసుకుంది. వెంటనే అప్రమత్తమైన పోలీసులు నిందితులిద్దరినీ అరెస్టు చేశారు. 'ట్రాన్స్జెండర్' విషయంలో తలెత్తిన వివాదం ఈ ఘటనకు కారణంగా తెలుస్తోంది.
సత్యదేవ్ హీరోగా "సమవర్తి" అనే ఇంట్రెస్టింగ్ సినిమాలో నటిస్తున్నారు. సత్యదేవ్ హీరోగా నటిస్తున్న 16వ చిత్రమిది. "సమవర్తి" సినిమాను రుద్ర పిక్చర్స్ బ్యానర్ & పంచభూత ప్రొడక్షన్స్, స్ పై శివచరణ్ రెడ్డి జక్కిడి, శశిధర్ రెడ్డి పడమటి నిర్మిస్తున్నారు. అజయ్ నాగ్. వి దర్శకత్వం వహిస్తున్నారు. ఎకోలాజికల్ యాక్షన్ థ్రిల్లర్ గా తెరకెక్కుతున్న ఈ సినిమా త్వరలోనే తెలుగుతో పాటు తమిళ, కన్నడ, మలయాళంలో గ్రాండ్ థియేట్రికల్ రిలీజ్ కు రెడీ అవుతోంది.
వివాహమై ఇద్దరు పిల్లలు ఉన్న ఓ వ్యాపారి ప్రియురాలితో ఏకంగా ఉన్నారు. ఈ విషయాన్ని పసిగట్టిన భార్య... తన భర్త ప్రియురాలితో పడక గదిలో ఏకాంతంగా ఉన్న సమయంలో పోలీసులకు రెడ్ హ్యాండెడ్గా పట్టించింది. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది. ఈ ఘటన తెలంగాణ రాష్ట్రంలోని సూర్యాపేట పట్టణంలోని ఎన్టీఆర్ కాలనీలో చోటుచేసుకుంది.
జగిత్యాల జిల్లా కోరుట్ల పట్టణంలోని సాయిరాంపుర కాలనీలో సోమవారం నాడు ఒక ఎలక్ట్రిక్ స్కూటర్ బ్యాటరీ పేలి మంటలు చెలరేగాయి. ఎన్. లక్ష్మీనారాయణ కొంతకాలం క్రితం ఎలెస్కో కంపెనీకి చెందిన ఎలక్ట్రిక్ స్కూటర్ను కొనుగోలు చేశారు. సోమవారం నాడు ఆయన తన ఇంటి ఆవరణలో స్కూటర్ను ఛార్జింగ్కు పెట్టారు. అయితే, సుమారు 10 నిమిషాల తర్వాత ఆయనకు ఒక పెద్ద శబ్దం వినిపించింది.
రోషన్ మేకా, ప్రీతి ముకుందన్ జంటగా నటిస్తున్న తాజా చిత్రం ‘ఎమో ఎమో ఇది’. డా. శైలేష్ కొలను రచన, దర్శకత్వంలో తెరకెక్కుతున్న ఈ చిత్రంపై ఇప్పటికే ప్రేక్షకుల్లో ఆసక్తి నెలకొంది. చిత్ర ప్రకటన సమయంలో విడుదల చేసిన ‘ది ఫస్ట్ బ్రీజ్ ఆఫ్ #EmoEmoIdi’ వీడియోకు ప్రేక్షకుల నుంచి మంచి స్పందన లభించింది. ఆ వీడియోతో సినిమాలోని ఆహ్లాదకరమైన ప్రేమకథా ప్రపంచాన్ని పరిచయం చేసిన మేకర్స్.. ఇప్పుడు మరింత అందమైన అనుభూతిని పంచేందుకు ఎంతో ఆసక్తిగా ఎదురుచూస్తున్న ‘ఎమో ఎమో ఇది’ టైటిల్ సాంగ్ను విడుదల చేశారు.
సినిమా పరిశ్రమ ఒక గ్లామర్ పరిశ్రమ కావచ్చు, కానీ సినిమా వ్యాపారం విషయానికి వస్తే అందులో చాలా చీకటి, నిరాశా ఛాయలు ఉంటాయి. ముఖ్యంగా, పంపిణీ అనేది అలాంటి ఒక గందరగోళమైన రంగం, ఇక్కడ చాలా ఆర్థిక వివాదాలు ముడిపడి ఉంటాయి. నిర్మాతలు, పంపిణీదారులు తరచుగా ఆర్థిక విషయాల మీద ఒకరితో ఒకరు తలపడుతూ ఉంటారు. ఒక సినిమా బాక్సాఫీస్ వద్ద విఫలమైతే, ఈ వివాదాలు గొడవలుగా మారి, మాటల యుద్ధానికి, న్యాయ పోరాటాలకు కూడా దారితీస్తాయి.
తమిళనాడులో పొగాకు అక్రమ రవాణాకు పాల్పడుతున్నట్లు అనుమానిస్తున్న ఒక ముఠా పోలీసుల నుంచి తప్పించుకోవడానికి సుమారు 40 కిలోమీటర్ల పాటు ప్రయత్నించగా, ఒక పోలీసు అధికారి సినీ ఫక్కీలో వారి కారు పైకప్పును గట్టిగా పట్టుకుని వేలాడారు.ఆ వాహనంలో దాదాపు 300 కిలోల గుట్కా, ఇతర నిషేధిత పొగాకు ఉత్పత్తులను తరలిస్తున్నారు. పోలీసుల వెంబడింపునకు సంబంధించిన వీడియో కూడా వెలుగులోకి వచ్చింది. కోయంబత్తూరు సమీపంలో ఒక పోలీసు బృందం సాధారణ వాహన తనిఖీలో భాగంగా ఒక కారును ఆపిన తర్వాత ఈ వెంబడింపు మొదలైంది.
2023లో విజయవంతమైన చిత్రం 'జైలర్'కు సీక్వెల్ అయిన 'జైలర్ 2' కోసం ఉత్సాహం పెరుగుతోంది. ఈ చిత్రంలో రజనీకాంత్ ముత్తువేల్ 'టైగర్' పాండియన్ పాత్రలో నటించగా, విద్యా బాలన్ మరియు ఇతరులు ఆయనతో పాటు నటిస్తున్నారు. నెల్సన్ దిలీప్కుమార్ దర్శకత్వంలో, సన్ పిక్చర్స్ నిర్మించిన ఈ చిత్రం అక్టోబర్ 15, 2026న ప్రపంచవ్యాప్తంగా థియేటర్లలో విడుదల కానుంది.
ఆంధ్రప్రదేశ్ ఐటీ- పరిశ్రమల శాఖ మంత్రి నారా లోకేష్, సింగపూర్ మంత్రి కె. షణ్ముగం మంగళవారం ఉదయం తిరుమల ఆలయంలో సుప్రభాత సేవ సందర్భంగా శ్రీ వేంకటేశ్వర స్వామిని దర్శించుకుని ప్రార్థనలు చేశారు. దైవ దర్శనం అనంతరం, సింగపూర్ మంత్రి కె. షణ్ముగం ఆలయ నిర్వహణ, ఏర్పాట్లపై ప్రశంసలు కురిపించారు.
వినాయక చవితి ఉత్సవాల ముగింపు సందర్భంగా గణేశ నిమజ్జనం జరుగుతుంది. ఆ తర్వాత భక్తుల కోసం అన్నదాన కార్యక్రమాలు నిర్వహిస్తారు. సాధారణంగా నిర్వాహకులు కొన్ని సంప్రదాయ వంటకాలను తయారు చేసి భక్తులకు వడ్డిస్తుంటారు. అయితే, కోనసీమ జిల్లా ఐనవిల్లి మండలం నల్లచెరువు గ్రామంలో జరిగిన ఒక అన్నదాన కార్యక్రమం అందరి దృష్టిని ఆకర్షించింది.
తెలంగాణ రాష్ట్రంలో సంచలనం సృష్టించిన ఫార్ములా ఈ-రేస్ కేసులో కీలక పరిణామం చోటుచేసుకుంది. ఈ కేసులో నిందితుడుగా ఉన్న బీఆర్ఎస్ వర్కింగ్ ప్రెసిడెంట్ కేటీఆర్తో సహా మరో ముగ్గురు పాస్ పోర్టులను తక్షణం జప్తు (ఇంపౌండ్) చేయాలని ఆదేశించింది. ఈ మేరకు అవినీతి నిరోధక శాఖ కోర్టు హైదరాబాద్ రీజినల్ పాస్ పోర్టు కార్యాలయాన్నిఆదేశించింది. ఈ మేరకు న్యాయస్థానం ఆపీపీవోకు అధికారికంగా లేఖ రాసింది. కోర్టు ఆదేశాలతో ఈ కేసు మరోసారి రాజకీయంగా తీవ్ర చర్చనీయాంశంగా మారింది.
తెలంగాణ ముఖ్యమంత్రి రేవంత్ రెడ్డి కేంద్ర ప్రభుత్వంపై, ప్రధానమంత్రి నరేంద్ర మోడీపై సంచలన ఆరోపణలు చేశారు. ప్రస్తుతం దేశంలో ఉత్తర, దక్షిణ భారత్ మధ్య కాకుండా, 'గుజరాత్ వర్సెస్ ఇండియా' అన్నట్లుగా పరిస్థితులు నెలకొన్నాయని ఆయన తీవ్రంగా విమర్శించారు. అస్సోంకు చెందిన 'ప్రతిదిన్' దినపత్రిక "భారత్ తదుపరి అధ్యాయం" అనే అంశంపై నిర్వహించిన సదస్సులో ఆయన ఈ వ్యాఖ్యలు చేశారు.
ఎంతకాలం వేధింపులను భరిస్తాం.. ఎంతకాలం వేధించే వాళ్లని చూసి జడుసుకుంటాం.. అని ఓ మహిళ భావించినట్లుంది. అందుకే తనను వేధిస్తున్న వ్యక్తి అంతమొందించింది. హైదరాబాద్లోని ధూల్పేట్లో ఒక వివాహిత మహిళ చున్నీతో ఒక యువకుడి గొంతు నులిమి హత్య చేసింది. మృతుడిని సాయిగా గుర్తించారు. వివరాల్లోకి వెళితే.. అనీషా సింగ్ అనే మహిళ చున్నీతో సాయి గొంతు నులిమి చంపింది. పదేపదే హెచ్చరించినా గత కొన్ని రోజులుగా సాయి తనను వేధిస్తున్నాడని అనీషా చెప్పినట్లు పోలీసులు తెలిపారు. వేధింపులను భరించలేక ఆ మహిళ ఈ హత్యకు ప్లాన్ వేసింది. పక్కా ప్లాన్ ప్రకారం చున్నీతో గొంతు నులిమి హతమార్చింది.
భారత క్రికెట్ జట్టులో హిట్ మ్యాన్గా గుర్తింపు పొందిన స్టార్ ఆటగాడు రోహిత్ శర్మ కాలుజారి కిందపడ్డాడు. పర్యాటక వెస్టిండీస్ జట్టుతో తిరువనంతపురం వేదికగా జరిగిన తొలి వన్డే మ్యాచ్ ముగిసిన తర్వాత హోటల్కు తిరిగి వస్తున్న సమయంలో ఈ ఘటన చోటుచేసుకుంది. జట్టు గ్రౌండ్ నుంచి హోటల్కు వచ్చిన బస్సు దిగుతుండగా కాలుజారి కిందపడ్డాడు. దీనికి సంబంధించిన వీడియో ఒకటి సోషల్ మీడియాలో వైరల్ అయింది. ఈ ఘటన జరిగినపుడు మరోస్టార్ ఆటగాడు విరాట్ కోహ్లీ కూడా అక్కడే ఉండి, ఆందోళనపడినట్టు వీడియోలో కనిపిస్తోది.
మయన్మార్ పశ్చిమ రఖైన్ రాష్ట్రంలో, తిరుగుబాటుదారుల బృందమైన అరాకన్ ఆర్మీ నియంత్రణలో ఉన్న ప్రాంతంలో సైన్యం జరిపిన వైమానిక దాడిలో కనీసం 49 మంది మరణించగా, 58 మంది గాయపడ్డారు. అరాకన్ ఆర్మీ, సహాయక చర్యలలో పాల్గొన్న ఒక అధికారి ప్రకారం, సోమవారం క్యౌక్తావ్ టౌన్షిప్లోని ఒక స్థానిక మార్కెట్ సమీపంలో ఒక యుద్ధ విమానం రెండు బాంబులను జారవిడిచింది.
ఆంధ్రప్రదేశ్ రాష్ట్ర ప్రభుత్వంపై సుప్రీంకోర్టు తీవ్ర అసహనం వ్యక్తం చేస్తూ మండిపడింది. ఏపీలోని ప్రత్యేక మేజిస్ట్రేట్ కోర్టుల్లో ఔట్ సోర్సింగ్ విధానంలో సిబ్బందిని నియమించడాన్ని తప్పుబట్టింది. రాష్ట్ర ప్రభుత్వ ప్రధాన కార్యదర్శి పదవిని కూడా ఇలానే ఔట్ సోర్సింగ్కు ఇస్తారా అంటూ జడ్జి అరవింద్ కుమార్ ప్రశ్నించారు. కోర్టుల్లో పనిచేస్తున్న 113 మంది తాత్కాలిక సిబ్బంది తమ సేవలను క్రమబద్ధీకరించాలని కోరుతూ దాఖలు చేసిన పిటిషనుపై సోమవారం ధర్మాసనం విచారణ చేపట్టింది.
ఆంధ్రప్రదేశ్ రాష్ట్రంలో రెండు ప్రధాన పార్టీలకు వచ్చే విరాళాల్లో భారీగా తగ్గుదల కనిపించింది. ముఖ్యంగా, అధికారంలో ఉన్నప్పటికీ టీడీపీకీ, అధికారంలో లేని వైకాపాకు ఈ విరాళాల్లో భారీ తగ్గుదల కనిపించింది. వైకాపాకు విరాళాలు ఇచ్చే వారి సంఖ్య గణనీయంగా తగ్గిపోయింది. గత యేడాదిలో ఈ తగ్గుదల కనిపించింది.
విశాఖపట్టణం నగరంలో విషాదకర ఘటన చోటుచేసుకుంది. ఉన్నత చదువుల కోసం నగరానికి వచ్చిన ఓ వైద్య విద్యార్థిని తన జీవితాన్ని అర్థాంతరంగా ముగించింది. ఆంధ్రా వైద్య కాలేజీలో పీజీ మొదటి సంవత్సరం చదువుతున్న శ్రావణి (22) అనే యువతి ఆత్మహత్యకు పాల్పడింది.
పండుగ సీజన్కు ముందు Ai+ Smartphone ఈరోజు Pulse 2 FE, NovaTab, LapTab లను విడుదల చేసి తన ఉత్పత్తి శ్రేణి విస్తరణను ప్రకటించింది. కమ్యూనికేషన్, విద్య, వినోదం, ఉత్పాదకత రంగాల్లో వినియోగదారులకు మూడు కొత్త సాంకేతిక అనుభవాలు అందుబాటులోకి వస్తాయి.దేశవ్యాప్తంగా వినియోగదారులు ఏడాదిలోనే అతిపెద్ద టెక్నాలజీ కొనుగోళ్లు, అప్గ్రేడ్లు, బహుమతుల కాలానికి సిద్ధమవుతున్న సమయంలో ఈ లాంచ్ జరిగింది. కొత్త పోర్ట్ఫోలియోతో Ai+ Smartphone వివిధ అవసరాలు, ధరల శ్రేణులకు తగిన మరిన్ని ఎంపికలను అందిస్తోంది.
ప్రతిపక్షాలు SIR ప్రక్రియలో 13 కోట్ల ఓట్లు తొలగించారంటూ ప్రచారం చేయడంపై భాజపా మండిపడింది. అసలు వాస్తవాలు ఇవేనంటూ వివరాలను తెలియజేసింది. SIRలో డ్రాఫ్ట్ ఓటర్ల జాబితాలో సుమారు 13 కోట్ల పేర్లు వివిధ కారణాలతో ASDD కేటగిరీల్లో గుర్తించబడ్డాయి. ఇది తుది ఓటర్ల జాబితా కాదు.జాబితాలో వెల్లడించిన వివరాల ప్రకారం... 2.8 కోట్లు మంది మరణించినవారు.3 కోట్ల మంది ఆచూకీ లేని/గుర్తించలేని వారు.6.3 కోట్ల మంది శాశ్వతంగా ఇతర ప్రాంతాలకు మారినవారు.1 కోటి మంది డూప్లికేట్ నమోదులు.డ్రాఫ్ట్ జాబితాలో పేరు లేకపోవడం అంటే తుది జాబితా నుంచి శాశ్వత తొలగింపు కాదు.
మేషం : : అశ్వని, భరణి 1, 2, 3, 4 పాదములు, కృత్తిక 1వ పాదంమీ ఓర్పునకు పరీక్షా సమయం. అప్రమత్తంగా ఉండాలి. అనాలోచిత నిర్ణయాలు తగవు. దంపతుల మధ్య సఖ్యత లోపం. ఆలోచనలతో సతమతమవుతారు. పనులు మందకొడిగా సాగుతాయి. దుబారా ఖర్చులు విపరీతం. సేవా కార్యక్రమాల్లో పాల్గొంటారు.
నేపాల్ దేశంలో భారీ వర్షాలు కురుస్తున్నాయి. ఈ వర్షాల కారణంగా కాళీ గండకీ నది ఉగ్రరూపం దాల్చుతోంది. నేపాల్ లోని ముస్తాంగ్ జిల్లా లేతే ప్రాంతంలో వున్న పర్వత భాగం విరిగి నదిలో కలిసిపోయింది. భారీ వర్షాల కారణంగా పర్వత శిఖరం కాళీ గండకీ నదిలో పడిపోయిన దృశ్యాలను చార్ ధామ్ యాత్రకు వెళ్లిన యాత్రికులు ఈ వీడియోను తీసారు.ఈ భారీ వరద కారణంగా 24 మంది మృత్యువాత పడగా 14 మంది గల్లంతయ్యారు. 143 ఇళ్లు పూర్తిగా ధ్వంసమయ్యాయి. మనాంగ్లో మంచు చరియలు విరిగిపడి ఇద్దరు పర్వతారోహకులు మృతి చెందారు.
పాయల్ చెంగప్ప ప్రధాన పాత్రలో నటిస్తున్న సినిమా "మయూఖ". ఈ చిత్రాన్ని ప్రశ్విత ఎంటర్టైన్మెంట్ బ్యానర్ పై శశిధర్ నల్ల నిర్మిస్తున్నారు. శ్రీ తేజ్ ఎస్.కె. దర్శకత్వం వహిస్తున్నారు. అన్ని కార్యక్రమాలు పూర్తి చేసుకున్న "మయూఖ" సినిమా అక్టోబర్ 9న వరల్డ్ వైడ్ గ్రాండ్ థియేట్రికల్ రిలీజ్ కు రాబోతోంది. ఈ రోజు హైదరాబాద్ లో ఈ చిత్ర ట్రైలర్ లాంఛ్ ఈవెంట్ ను ఘనంగా నిర్వహించారు.
బెంగళూరు: ట్రూకాలర్ ఈరోజు వెబ్, యాప్ పై ట్రూకాలర్ స్కామ్ చెక్కర్ ప్రారంభాన్ని ప్రకటించింది. ఇది ప్రజలు వారు ఒక స్కామ్ బారిన పడ్డారా అని వేగంగా అంచనావేయుటకు, తాజా మోసాల ధోరణుల గురించి అవగాహన కలిగి ఉండుటకు సహాయపడేందుకు రూపొందించబడిన ఒక కొత్త గమ్యస్థానము. కాలర్ గుర్తింపు, స్పామ్ బ్లాకింగ్ ను దాటి ట్రూకాలర్ యొక్క స్కామ్ రక్షణను అందించడం దీని ఉద్దేశము.ఈ పరిష్కారము అనేక స్కామ్-తనిఖీ సామర్థ్యాలను ఒకే అనుభవములోకి తీసుకొస్తుంది
మర్డర్ మిస్టరీ జానర్ సినిమాల్లో ఉండే ఉత్కంఠ, స్క్రీన్ప్లే ప్రేక్షకులను అమితంగా ఆకట్టుకుంటుంది. ఇప్పుడు ఇదే కోవలో ఓ వైవిధ్యమైన కథాంశంతో ప్రేక్షకులకు థ్రిల్ల్ కలిగించే అంశాలతో రాబోతున్న చిత్రం 'తత్వం'. దినేష్ తేజ్, దష్విక.కె హీరో హీరోయిన్లుగా నటించిన ఈ చిత్రానికి అర్జున్ కోల దర్శకుడు. త్రయతి ఇషాని క్రియేషన్స్, ఎస్.కె.ప్రొడక్షన్స్ సంయుక్త నిర్మాణంలో శీమకుర్తి వంశీ కృష్ణ , శ్వేత పసుపులేటీ ఈ చిత్రాన్ని నిర్మించారు. అక్టోబర్ 2న చిత్రం విడుదల సందర్భంగా కథానాయిక దష్విక.కె. పలు విషయాలను తెలియజేసింది.
ఇది విజయ్ దేవరకొండ పోషించిన రాయలసీమ యోధుడు, తన భార్య జయమ్మ (రష్మిక మందన్న)తో కలిసి దోపిడీకి వ్యతిరేకంగా పోరాడిన చిత్ర కథకు నేరుగా ముడిపడి ఉంది. ఈ సిరీస్, అక్టోబర్ 16, 2026న థియేటర్లలో విడుదల కానున్న చిత్రానికి నేపథ్యాన్ని అందిస్తుంది. అక్టోబర్ 2న రాబోయే మరిన్ని ఎపిసోడ్లు ఈ ఇతిహాసం రాకకు ముందు అభిమానులను ఆసక్తిగా ఉంచుతాయి.
ముంబై: పిల్లలు ఇంటి నుంచి బయటకు వెళ్లినా, వృద్ధులు ఒంటరిగా బయటకు వెళ్లినా.. వారి లొకేషన్ను తెలుసుకోవడంతో పాటు అవసరమైన సమయంలో SOS అలర్ట్లను పొందే సదుపాయం ఇప్పుడు ఒకే చోట అందుబాటులోకి వచ్చింది. కుటుంబ సభ్యుల భౌతిక, ఆన్లైన్ భద్రతను దృష్టిలో ఉంచుకుని జియో JioShield సేవలను ప్రారంభించింది. ఇందులో లొకేషన్ ట్రాకింగ్, SOS అలర్ట్లు, స్క్రీన్ టైమ్ నిర్వహణ, యాప్లు, కాంటాక్ట్ల నియంత్రణ వంటి సదుపాయాలు ఉన్నాయి.JioShield ద్వారా తల్లిదండ్రులు తమ పిల్లలు ఎక్కడ ఉన్నారో తెలుసుకోవచ్చు. ముఖ్యమైన భద్రతా అలర్ట్లను పొందవచ్చు. ఫోన్ బ్యాటరీ తక్కువగా ఉన్నప్పుడు కూడా అలర్ట్ అందుతుంది.
ఇక విశ్వసనీయ సమాచారం మేరకు అంతర్జాతీయ వీక్షకులను లక్ష్యంగా చేసుకుని, మెగాస్టార్ చిరంజీవి నెట్ఫ్లిక్స్ ప్రారంభించనున్నారు. తొలి సెలబ్రిటీ టాక్ షోకు ఆయన కుమార్తె సుష్మిత కొణిదెల, రచయిత-దర్శకుడు బీవీఎస్ రవి కలిసి బహుళ ఎపిసోడ్ల పాడ్కాస్ట్గా ప్రతిపాదించారు. ఈ షోకు ఆయన ప్రధాన ఆకర్షణగా నిలవనున్న విషయంపై చర్చలు ముమ్మరంగా జరుగుతున్నాయని వార్తలు వస్తున్నాయి.
చేతబడి... బ్లాక్ మ్యాజిక్ వున్నదనే మూఢనమ్మకం ఇంకా గ్రామాల్లో అలానే వేళ్లూనుకుపోయింది. రంగారెడ్డి జిల్లా మంచాల మండలం నోముల గ్రామంలో ఇట్లాంటి ఘటనే జరిగింది. గ్రామంలో 60 ఏళ్ల వెంకటమ్మ తమకు చేతబడులు చేస్తుందంటూ కొందరు గ్రామస్తులు ఆమెపై ఆరోపణలు చేసారు. దీనితో గ్రామస్తులంతా చేరి ఇంటిలో వున్న వెంకటమ్మను బైటకు ఈడ్చుకొచ్చారు.అనంతరం ఆమెను చెట్టుకు కట్టేసి దేహశుద్ధి చేసారు. ఈ ఘటన జరిగి ఐదు రోజులు కావస్తుండగా బాధితురాలి ఫిర్యాదుతో కేసు నమోదు చేసుకున్న పోలీసులు, వృద్ధురాలిపై దాడికి పాల్పడిన 14 మందిపై కేసులు నమోదు చేసారు.
త్రినాథరావు నక్కిన నటిస్తూ, నిర్మించిన చిత్రం ‘అనకాపల్లి’. విక్రమ్ సహిదేవ్, సంధ్యా వశిష్ట, తారక్ పొన్నప్ప ప్రధాన పాత్రల్లో నటించారు. ఖగేష్ తమ్మినేని దర్శకత్వం వహించారు. కాండ్రేగుల కుమార్ రాజా కో ప్రొడ్యూసర్. త్రినాథరావు నక్కిన కథ, స్క్రీన్ ప్లేని అందించారు. ఈ చిత్రాన్ని అక్టోబర్ 2న విడుదల చేయబోతోన్నారు. ఈ క్రమంలో ప్రీ రిలీజ్ నిర్వహించారు.
మోహిత్ పెడాడ, శ్రీజిత ఘోష్ జంటగా నటిస్తున్న రిచ్.. మూవీని రాజా నరేంద్ర తెరకెక్కిస్తున్నారు. తాజాగా ఈ సినిమా పూజా కార్యక్రమాన్ని సోమవారం నిర్వహించిన ఈ ప్రారంభోత్సవ కార్యక్రమానికి గోపీ మోహన్, దశరథ్, V సముద్ర, G రామ్ ప్రసాద్, డి ఎస్ రావు, మిట్టపల్లి సురేందర్, ముక్కు అవినాష్,ముఖ్య అతిథులుగా విచ్చేశారు. పద్మనాభ రెడ్డి, మార్గం గోపి, మహేంద్ర ఎస్ గైక్వాడ్ కో ప్రొడ్యూసర్ గా సంయుక్తంగా నిర్మిస్తున్న చిత్రం.
ఆల్మండ్ బోర్డ్ ఆఫ్ కాలిఫోర్నియా నిధులు సమకూర్చిన కొత్త పరిశోధనలో, సరిగ్గా నిద్రపట్టని భారతీయ పెద్దలు 20 వారాల పాటు రోజూ బాదం తినడం వల్ల మెరుగైన నిద్ర నాణ్యత, అధిక నిద్రా సామర్థ్యంతో పాటు త్వరగా నిద్రలోకి జారుకున్నట్లు స్వయంగా వెల్లడించారుసరిగ్గా నిద్రపట్టని భారతీయ పెద్దలపై జరిపిన ఒక కొత్త రాండమైజ్డ్ కంట్రోల్డ్ ట్రయల్, ప్రతిరోజూ బాదం తినడం వల్ల వారి నిద్ర నాణ్యత మెరుగుపడుతుందని కనుగొంది. నిద్ర ఆరోగ్యాన్ని పెంపొందించడంలో ఆహారానికి ప్రాధాన్యతనిచ్చే విస్తృత విధానంలో బాదం యొక్క పాత్రపై ఇది కొత్త అంతర్దృష్టిని అందిస్తోంది.
తమిళనాడు ముఖ్యమంత్రి జోసెఫ్ విజయం శిశువుకు బంగారు ఉంగరాన్ని తొడిగిన వీడియో ఇపుడు సోషల్ మీడియాలో వైరల్ అవుతోంది. ఎన్నికలకు ముందు, టీవీకే (TVK) తమ ఎన్నికల హామీలలో భాగంగా 'తైమామన్ తంగ మోదిరం' (మేనమామ ఇచ్చే బంగారు ఉంగరం) పథకాన్ని ప్రకటించింది. ఈ పథకం కింద, ప్రభుత్వ ఆసుపత్రిలో జన్మించే ప్రతి బిడ్డకు ఒక గ్రాము బంగారం ఇవ్వబడుతుంది.ముఖ్యమంత్రి జోసెఫ్ విజయ్ ఈ ఉదయం మదురై రాజాజీ ప్రభుత్వ ఆసుపత్రిలో ఈ పథకాన్ని ప్రారంభించారు. కాగా, 'తైమామన్ తంగ మోదిరం' పథకానికి ఎవరు అర్హులనే వివరాలను ప్రభుత్వం వెల్లడించింది.
బాంబే స్టాక్ మార్కెట్లో స్టాక్ మార్కెట్ సూచీలు సోమవారం భారీ నష్టాలను చవి చూశాయి. ఫలితంగా సెన్సెక్స్ ఏకంగా 1124 పాయింట్ల, నిఫ్టీ 360 పాయింట్ల మేరకు నష్టపోయి 23 వేల మార్కు దిగువన స్థిరపడింది. హర్మూజ్ను తెరిచే శాంతి ప్రతిపాదనలను అమెరికా అధ్యక్షుడు డోనాల్డ్ ట్రంప్ తిరస్కరించారు. ఈ వార్తల నేపథ్యంలో చమురు ధరలకు మళ్లీ రెక్కలొచ్చాయి. దీనికితోడు విదేశీ సంస్థాగత మదుపర్లు అమ్మకాలు, బాండ్ల రాబడులు పెరగడం వంటివి సెంటిమెంట్ను దెబ్బతీశాయి. మదుపర్ల సంపదగా భావించే బీఎస్ఈలో నమోదిత కంపెనీల మొత్తం విలువ దాదాపు రూ.8 లక్షల కోట్లు ఆవిరై రూ.474 లక్షల కోట్లకు చేరింది.
రైలు ప్రయాణంలో కొంతమంది ప్రయాణికులు తోటి ప్రయాణికులకు తీవ్ర అసౌకర్యాన్ని కలిగిస్తుంటారు. కొన్నిసార్లు వీరు అత్యంత జుగుప్సాకర పనులు కూడా చేస్తుంటారు. కిక్కిరిసిన రైలు బోగీలో పూటుగా మద్యం సేవించిన ఓ ప్రయాణికుడు అత్యంత హేయమైన చర్యకు పాల్పడ్డాడు. మహిళలు వున్నారని కూడా చూడకుండా బహిరంగంగా రైలు బోగీలోనే మూత్ర విసర్జన చేసాడు. ఈ వీడియో సోషల్ మీడియాలో వైరల్ అవుతోంది.ఆ వీడియోలో... నడి వయసు వున్న ఓ వ్యక్తి తోటి ప్రయాణికులు వారిస్తున్నప్పటికీ కూర్చునే సీట్ల వద్దనే మూత్రం పోసాడు. దీనితో తీవ్ర ఆగ్రహానికి గురైన తోటి ప్రయాణికులు అతడికి దేహశుద్ధి చేసారు.
హైదరాబాద్: శ్రీలంక టూరిజం ప్రొమోషన్ బ్యూరో(ఎస్ఎల్ టిపిబి ), హైదరాబాద్, సూరత్, పుణెలలో నిర్వహించిన మూడు నగరాల డెస్టినేషన్ వెడ్డింగ్ రోడ్షోను విజయవంతంగా ముగించింది. భారతదేశంలోని వెడ్డింగ్ రంగానికి శ్రీలంకను వివాహ గమ్యస్థానంగా పరిచయం చేసింది. ఈ కార్యక్రమంలో వెడ్డింగ్ ప్లానర్లు, ట్రావెల్ రంగ నిపుణులు, మీడియా ప్రతినిధులు పాల్గొన్నారు. ఈ రోడ్షోలో శ్రీలంకను ప్రీమియం, విభిన్న అవకాశాలతో కూడిన గమ్యస్థానంగా పరిచయం చేశారు. ఇక్కడ జంటలు తమ వివాహాన్ని కుటుంబ సభ్యులు, స్నేహితులతో కలిసి వేడుకగా, విహారయాత్రగా మార్చుకునే అవకాశం ఉందని తెలిపారు.
బంగాళాఖాతంలో కొత్తగా ఏర్పడిన వాయుగుండం కారణంగా ఏపీలోని కోస్తాంధ్ర, రాయలసీమ ప్రాంతాల్లో వర్షాలు కురిసే అవకాశం ఉందని భారత వాతావరణ శాఖ వెల్లించింది. దీని ప్రభావం కారణంగా పలు చోట్ల తేలికపాటి నుంచి మోస్తరు వర్షాలు కురిసే అవకాశం ఉందని వెల్లడించింది.
తమిళనాడు రాష్ట్రంలోని కోయంబత్తూరులో ఓ కానిస్టేబుల్ చేసిన సాహసం ఇపుడు చర్చనీయాంశమైంది. ఈ సాహసానికి సంబంధించిన వీడియో సోషల్ మీడియాలో వైరల్ అయింది. గుట్రా స్మగ్లర్లను పట్టుకునేందుకు ఏకంగా 40 కిలోమీటర్ల దూరం కారు టాప్పై పడుకుని ప్రయాణించాడు. ఆ తర్వాత నేషనల్ హైవేస్ పెట్రోలింగ్, స్థానిక పోలీసులు స్మగ్లర్ల కారును వెంటాడి పట్టుకుని నిందితులను అరెస్టు చేశారు. తన ప్రాణాలకు తెగించి సాహసం చేసిన కానిస్టేబుల్ను పోలీస్ ఉన్నతాధికారులు ప్రశంసల్లో ముంచెత్తుతున్నారు.
భార్యపై అనుమానం పెంచుకున్న భర్త ఆగ్రహంతో రోకలి బండతో భార్యను తలపై బలంగా కొట్టడంతో ఆమె ప్రాణాలు కోల్పోయింది. ఆ తర్వాత నేరుగా పోలీస్ స్టేషన్కు వెళ్లి లొంగిపోయాడు. తమ నాలుగేళ్ళ కుమారుడు చూస్తుండగానే ఈ దారుణం చిక్కడపల్లి ఠాణాపరిధిలో చోటుచేసుకుంది. పోలీసుల కథనం మేరకు.. ఏపీలోని అన్నమయ్య జిల్లాకు చెందిన నరేందర్కు తేజశ్రీ (25) అనే మహిళతో ఐదేళ్ల క్రితం వివాహమైంది. వీరికి నాలుగేళ్ల కుమారుడు కూడా ఉన్నాడు. ఆరు నెలలుగా హైదరాబాద్ నగరంలోని చిక్కడపల్లిలో అద్దె ఇంట్లో ఉంటున్నారు.
సెప్టెంబర్ నెల అనేది సినిమాలోని ప్రముఖులకు కెరీర్ ఇచ్చిన నెలగా పేర్కొంటుంటారు. అందులో భాగంగానే ఈరోజు ఎస్.ఎస్. రాజమౌళి కి ప్రత్యేకమైందిగా చెప్పవచ్చు. పాతికేళ్ల క్రితం.. 2001 సెప్టెంబర్ 27న స్టూడెంట్ నెం.1 తో అటు ఎన్.టి.ఆర్.కూ ఇటు తనకూ కెరీర్ ను బిల్డ్ చేసుకున్నారు. ఇన్నేళ్ళ ప్రయాణంలో ఫెయిల్యూర్ లేకుండా కాపాడుకోవడం అనేది ఆయనకే దక్కుతుంది. ఇది చరిత్రలో నిలిచిపోయే పేరుగా నిలిచిపోతుంది. ఆర్.ఆర్.ఆర్. సినిమాతో ప్రపంచవ్యాప్తంగా తెలుగు దర్శకుడిగా పేరు తెచ్చుకుని ఓ స్థాయికి తీసుకెళ్ళాడు.
ట్రాఫిక్ ఉల్లంఘనలను గుర్తించేందుకు పోలీసులు కృత్రిమ మేథ (ఏఐ) సాంకేతికతను ఉపయోగిస్తున్నారు. ఈ క్రమంలో ప్రధాన కూడళ్ళలో ఏఐతో పని చేసే సీసీటీవీ కెమెరాలను ఏర్పాటుచేశారు. ఈ క్రమంలో ఓ ఏఐ కెమెరా ఓ ద్విచక్రవాహనదారుడికి ఊహించని షాక్ ఇచ్చింది. వీపుకు తగిలించుకున్న గిటార్ను ప్రయాణికుడు అనుకుని రూ.500 చలాన్ విధించింది. ఈ ఆసక్తికర ఘటన బెంగుళూరులో జరిగింది.
హైదరాబాద్ నగరంలో మహిళలకు రక్షణ కరువైంది. దేశ రాజధాని ఢిల్లీ తరహాలోనే భాగ్యనగరంలో కూడా మహిళలపై నేరాలు ఘోరాలు జరుగుతున్నాయి. తాజాగా ఓ క్యాబ్ డ్రైవర్ మహిళా ప్రయాణికురాలిపై అఘాయిత్యానికి పాల్పడ్డాడు. కారును నిర్మానుష్య ప్రాంతానికి తీసుకెళ్లి ఈ లైంగికదాడికి ప్రయత్నించాడు. తాజాగా వెలుగులోకి వచ్చిన ఈ వివరాలను పరిశీలిస్తే,
