మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు ఆశావహదృక్పథంతో మెలగండి. ఆదాయం నిరాశాజనకం. పురోగతి లేక లేక సందిగ్ధానికి లోనవుతారు. ఏ విషయాన్నీ తీవ్రంగా పరిగణించవద్దు. పరిస్థితులు నిదానంగా మెరుగుపడతాయి. శనివారం నాడు అప్రమత్తంగా ఉండాలి. అందిరితోను మితంగా సంభాషించండి. మీ నుంచి విషయ సేకరణను కొందరు యత్నిస్తారు. సన్నిహితుల సలహా పాటించండి. అంతరంగిక విషయాలు వెల్లడించవచ్చు. నోటీసులు అందుకుంటారు. సోదరుల మధ్య కొత్త విషయాలు ప్రస్తావనకు వస్తాయి. మీ ప్రతిపాదనలకు స్పందన లభిస్తుంది. గృహమరమ్మతులు చేపడతారు. వ్యాపారాలు నిరుత్సాహపరుస్తాయి. షాపుల స్థలమార్పు అనివార్యం, ఉద్యోగ బాధ్యతల పట్ల శ్రద్ధ వహించండి. అధికారులకు హోదా మార్పు. దూర ప్రయాణం తలపెడతారు.