మిథునం: మృగశిర 3,4 పాదాలు, ఆరుద్ర, పునర్వసు 1,2,3 పాదాలు కార్యసాధనకు నిరంతరం శ్రమిస్తారు. మీ కష్టం ఫలిస్తుంది. రాబోయే ఆదాయానికి తగ్గట్లుగా బడ్జెట్ వేసుకుంటారు. అంచనాలు ఫలిస్తాయి. ఖర్చులు భారమనిపించవు. ఆదివారం నాడు కొందరి తీరు చికాకు పరుస్తుంది. పనులు మందకొడిగా సాగుతాయి. దంపతుల మధ్య ఏకాభిప్రాయం నెలకొంటుంది. కొత్త యత్నాలకు శ్రీకారం చుడతారు. కలిసివచ్చిన అవకాశాన్ని తక్షణం అందిపుచ్చుకోండి. అనుమానాలు, అపోహలకు తావివ్వద్దు. ఆరోగ్యం స్థిరంగా ఉంటుంది. పలుకుబడి కలిగిన వారితో పరిచయాలు ఏర్పడతాయి. సంతానానికి శుభఫలితాలున్నాయి. ఉద్యోగస్తులు ప్రశంసలు అందుకుంటారు.