మీనం: పూర్వాభాద్ర 4వ పాదం, ఉత్తరాభాద్ర, రేవతి కార్యసిద్ధికి అవిశ్రాంతంగా శ్రమిస్తారు. ఒత్తిడి, పనిభారం, అకాల భోజనం ఉంటుంది. ఆదాయానికి తగ్గట్టుగా లెక్కలు వేసుకుంటారు. అంచనాలు ఫలిస్తాయి. ఖర్చులు అధికమైనా సంతృప్తికరం. కొత్త పనులు చేపడతారు. ప్రముఖులతో పరిచయాలు ఏర్పడతాయి. సభ్యత్వం స్వీకరిస్తారు. బాధ్యతగా మెలగాలి. మీ కలుపుగోలుతనం ఆకట్టుకుంటుంది. వ్యతిరేకులు సన్నిహితులవుతారు. దంపతుల మధ్య అవగాహన నెలకొంటుంది. ఇంటి విషయాలపై శ్రద్ధ కనబరుస్తారు. కనిపించకుండా పోయిన పత్రాలు లభిస్తాయి. మీ సాయంతో ఒకరికి మేలు జరుగుతుంది. నిరుద్యోగులకు ఉద్యోగ యోగం. ఉపాధ్యాయులు పురస్కారాలు అందుకుంటారు. వ్యాపారాలు సంతృప్తికరంగా సాగుతాయి. చిరు వ్యాపారులకు ఆశాజనకం. వృత్తి, ఉపాధి పథకాల్లో నిలదొక్కుకుంటారు. అసాంఘిక కార్యకలాపాల జోలికి పోవద్దు.