మిథునం: మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు సంప్రదింపులు ఫలిస్తాయి. రావలసిన ధనం అందుతుంది. ఆదాయానికి తగ్గట్టుగా ఖర్చులు ఉంటాయి. అర్హులకు సాయం చేస్తారు. ప్రముఖులతో పరిచయాలు బలపడతాయి. వ్యూహాత్మకంగా అడుగులేస్తారు. ప్లాన్‌లో సవరణలు సాధ్యమవుతాయి. సన్నిహితులతో నిత్యం సంభాషిస్తారు. సంస్థల స్థాపనకు అనుకూలం. బ్యాంకు పనులు పూర్తవుతాయి. వాయిదా పడుతూ వస్తున్న పనులు పూర్తి చేస్తారు. ఒక వ్యవహారంలో మీ జోక్యం అనివార్యం. మీ సలహా ఉభయులకూ ఆమోదయోగ్యమవుతుంది. ఆశావహ దృక్పథంతో ఉద్యోగ యత్నం సాగించండి. మీ ప్రయత్నం త్వరలో ఫలిస్తుంది. వ్యాపారాల అభివృద్ధికి పథకాలు చేపడతారు. వృత్తి, ఉపాధి పథకాలు ప్రోత్సాహకరంగా సాగుతాయి. పెట్టుబడులపై దృష్టి పెడతారు. రుణ విషయాల్లో జాగ్రత్త. ఏకాగ్రతతో వ్యవహరించండి.