సింహం: మఖ, పుబ్బ, ఉత్తర 1వ పాదం ఈ మాసం ప్రథమార్థం ఏమంత అనుకూలం కాదు. సంప్రదింపులు నిరుత్సాహపరుస్తాయి. ఖర్చులు విపరీతం, రుణాలు చేయాల్సి వస్తుంది. చేసిన పనులే మళ్లీ చేయవలసి వస్తుంది. ప్రతి విషయంలోనూ ఓర్పుతో శ్రమించాలి. స్వయం కృషి ఫలితాన్నిస్తుంది. కొన్ని ఇబ్బందులు తొలగుతాయి. కొత్త యత్నాలు చేపడతారు. మీ జీవిత భాగస్వామి ప్రోత్సాహం ఉంటుంది. తెగిపోయిన బంధువులు బలపడతారు. ప్రతి విషయంలోనూ ధైర్యంగా ముందుకు సాగండి. విమర్శించిన వారే మీ సమర్థతను గుర్తిస్తారు. లక్ష్యం నెరవేరుతుంది. ఆరోగ్యం సంతృప్తికరం. ధార్మిక విషయాల పట్ల ఆసక్తి పెంపొందుతుంది. వ్యాపారాలు ప్రోత్సాహకరంగా సాగుతాయి. అటుపోట్లకు దీటుగా స్పందిస్తారు. పెట్టుబడులకు తరుణం కాదు. ఉద్యోగస్తులకు పదోన్నతి, ఉపాధ్యాయులకు పురస్కార యోగం. న్యాయ, వైద్య, సాంకేతిక రంగాల వారికి ఆదాయాభివృద్ధి.