సింహం : మఖ, పుబ్బ, ఉత్తర 1వ పాదం అన్ని విధాలా యోగదాయకం. మీ మాటకు తగిన ప్రాధాన్యం లభిస్తుంది. వ్యవహారాలు మీ సమక్షంలో సాగుతాయి. ఉభయులకూ మీ నిర్ణయం ఆమోదయోగ్యమవుతుంది. సావకాశంగా పనులు పూర్తి చేస్తారు. ఆదాయం బాగుంటుంది. రోజువారీ ఖర్చులే ఉంటాయి. ఆలయాలను విరాళాలు అందిస్తారు. శుక్రవారం నాడు ఆచితూచి అడుగు వేయాలి. ఒత్తిళ్లు, ప్రలోభాలకు లొంగవద్దు. ఆత్మీయులతో తరచు సంభాషిస్తుంటారు. సంతానానికి ఉన్నత విద్యావకాశం లభిస్తుంది. దంపతుల మధ్య ఏకాభిప్రాయం నెలకొంటుంది. కొత్తయత్నాలు చేపడతారు. కీలక పత్రాలు అందుతాయి. చిన్ననాటి మిత్రులు తారసపడతారు. మీ సిఫార్సుతో ఒకరికి ఉద్యోగావకాశం లభిస్తుంది. ఉపాధ్యాయులకు పదోన్నతితో కూడిన బదిలీ. వ్యాపారాలు సామాన్యంగా సాగుతాయి. ద్విచక్రవాహనంపై దూరప్రయాణం తగదు.