బాలీవుడ్ నటి సనా ఖాన్‌కు మాతృవియోగం
బాలీవుడ్ నటి సనా ఖాన్ ఇంట విషాదం చోటుచేసుకుంది. ఆమె తల్లి అనారోగ్యంతో మృతి చెందారు. గత కొంతకాలంగా ఆమె అనారోగ్యంతో బాధపడుతూ రాగా, ఆమె తల్లి సయీదా ఈ రోజు తుదిశ్వాస విడిచారు. ఈ విషాదకరమైన వార్తలు సనా ఖాన్ తన సోషల్ మీడియా ఖాతాలో షేర్ చేశారు.
"నా ప్రియమైన అమ్మ, శ్రీమతి సాయీదా, అనారోగ్య సమస్యలతో పోరాడుతూ అల్లాహ్ వద్దకు చేరుకున్నారు. ఇషా నమాజ్ అనంతరం ఓషివారా ఖబ్రస్థాన్‌లో అంత్యక్రియలు జరుగుతాయి. అమ్మ ఆత్మశాంతి కోసం మీరంతా ప్రార్థించాలని కోరుతున్నాను" అంటూ సనా ఖాన్ తన ఇన్‌స్టాఖాతాలో భావోద్వేగపూరితమైన పోస్ట్ పెట్టారు.
