NTR: ఎన్.టి.ఆర్. వార్ 2 గురించి హృతిక్ రోషన్ ఆసక్తికర వ్యాఖ్యలు
హృతిక్ రోషన్, ఎన్.టి.ఆర్. కాంబినేషన్ లో రాబోతున్న వార్ 2 సినిమా గురించి ముఖ్యంగా తెలుగు సినిమా రంగంలో పెద్ద క్రేజ్ వుంది. షూటింగ్ పూర్తవుతున్నా కొత్త అప్ డేట్ రాలేదు. దానికి ఫుల్ స్టాఫ్ పెడుతూ హృతిక్ రోషన్ తాజాగా ఎన్.టి.ఆర్. గురించి ట్వీట్ చేశాడు. ఈ సంవత్సరం మే 20న ఏమి ఆశించాలో మీకు తెలుసా? నన్ను నమ్మండి, మీకు ఏమి ఎంత అందుబాటులో ఉందో తెలియదు. సిద్ధంగా ఉన్నారా? అంటూ ఆసక్తికరమైన కామెంట్ చేశాడు.
ఇప్పటికే ఎన్.టి.ఆర్. అభిమానులు గచ్చిబౌలిలోని పలు సెంటర్లలో ఆటోలలో వార్ 2 పోస్టర్లతో ఇన్ డైరెక్ట్ గా ప్రచారం చేయడం విశేషం. వార్ 2 ఆగ‌స్ట్‌లో విడుదలకాబోతోంది. హృతిక్ రోషన్ చెప్పినదాన్ని బట్టి ఎన్.టి.ఆర్. పుట్టినరోజైన మే 20న పెద్ద అప్ డేట్ రాబోతోంది. కొత్త లుక్ కూడా రానున్నదని తెలుస్తోంది. ఆర్‌ఆర్‌ఆర్‌ సినిమాలో కొమురం భీమ్‌ పాత్రలో నటించిన విధానం తనను బాగా ఆకట్టుకుందని ఓ సందర్భంగా హృతిక్ రోషన్ వెల్లడించారుకూడా. డ్యాన్స్, ఫైట్స్ ను కూడా అప్పట్లో మెచ్చుకున్నారు.
కనుక ఎన్.టి.ఆర్. ఫస్ట్‌ లుక్ విషయమై చాలా ఆసక్తి ఉంది. ఈ చిత్రాన్ని స్వాతంత్య్ర దినోత్సవం సందర్భంగా ఆగ‌స్టు 15న విడుద‌ల చేసేందుకు స‌న్నాహ‌కాలు చేస్తున్న‌ట్లుగా తెలుస్తోంది. వార్ 2 సినిమాలో హృతిక్ రోషన్ హీరోగా నటించగా, ఎన్టీఆర్‌ విలన్‌ రోల్‌లో కనిపించబోతున్నాడనే టాక్ న‌డుస్తుంది. అయాన్ ముఖర్జీ దర్శకత్వం వహించగా కియారా అద్వానీ హీరోయిన్‌గా నటించింది. ఇంకా మూడు రోజుల్లో మరిన్ని వివరాలు తెలియనున్నాయి.
